Bakı.Trend:
“Formula 1” rəhbərliyi Tayland hökuməti ilə Banqkokda şəhər-halqası qran-prisinin keçirilməsi planları ilə bağlı danışıqlara başlayıb.
Trend xəbər verir ki, bu barədə BBC məlumat yayıb.
“Formula 1”in prezidenti və baş direktoru Stefano Domenikali taylandlı baş nazir Paetonqtarn Şinavatra ilə görüşərək, 2028-ci ildə turnirin yeni Qran-Prisinin keçirilməsinin perspektivlərini müzakirə edib.
Hazırda Taylandın şimal-şərqində yerləşən Buiramda FİA tərəfindən akkreditasiya olunmuş mövcud bir trek var.
Qeyd edək ki, “Formula 1” təqvimində 24 qran-pri yürüşü yer alır və bunlardan dördü Asiya-Sakit Okean regionunda keçirilir.