Bakı. Trend:
ABŞ-nin Florida ştatında universitetdə baş verən atışma nəticəsində 5 nəfər ölüb, 4 nəfər yaralanıb.
Trend-in məlumatına görə, bu barədə "WCTV" mənbələrə istinadən xəbər verib.
Məlumata əsasən, şübhəli şəxs saxlanılıb və həbs edilib. Hadisə yerinə FTB başda olmaqla hüquq-mühafizə orqanlarının əməkdaşları cəlb edilib.
Hüquq-mühafizə orqanlarından bildirilib ki, zərərçəkənlərin xəsarətlərinin ağırlıq dərəcəsi hələ də bəlli deyil.
Daha sonra telekanal məktəbdəki atışmadan sonra ən azı 6 nəfərin xəstəxanaya yerləşdirildiyini bildirib. Onlardan beşinin vəziyyəti ağır, digərinin vəziyyəti isə kritikdir.