Bakı. Trend:
Çinin Xalq Bankı (Mərkəzi Bank) maliyyə vəziyyəti sabit və reytinqi yüksək olan müəssisələr üçün bir illik kreditlər üzrə faiz dərəcəsini 0,1 faiz bəndi azaldaraq 3 faizə endirib.
Bu barədə Trend xarici KİV-ə istinadən xəbər verir.
Məlumata görə, tənzimləyici beş illik kreditlər üzrə faiz dərəcəsini də 0,1 faiz bəndi azaldaraq 3,5 faizə endirib.
Hər iki faiz dərəcəsi sonuncu dəfə 2024-cü ilin oktyabr ayında azaldılmışdı. Hazırda bu dərəcələr tarixdə ən aşağı səviyyədə qalır.