Bakı. Trend:
Suriyanın keçid hökumətinin xarici işlər naziri Əsəd əş-Şibani Dəməşqdə BMT Baş katibinin Suriya üzrə xüsusi elçisi Geyr Pedersen ilə görüş keçirib.
Trend xəbər verir ki, bu barədə SANA məlumat yayıb.
Görüşdə tərəflər ölkədə təhlükəsizlik və sabitliyin qorunmasının vacibliyini vurğulayıblar. Eyni zamanda, Suriyada keçid dövründə ədalət sisteminin formalaşdırılması və Suriya hökuməti ilə BMT arasında əməkdaşlığın müxtəlif istiqamətlər üzrə genişləndirilməsi məsələləri müzakirə olunub.
Xatırladaq ki, Pedersen Suriyada hakimiyyət dəyişikliyindən sonra dəfələrlə Dəməşqə səfər edib.