Bakı. Trend:
Rusiyanın Şiveluç vulkanı bu gün səhər saatlarında dəniz səviyyəsindən 6 km yüksəkliyə qədər kül sütununu püskürüb.
Trend-in məlumatına görə, bu barədə Rusiya Elmlər Akademiyasının Uzaq Şərq Bölməsinin Vulkanologiya və Seysmologiya İnstitutunun Kamçatka vulkan püskürməsinə reaksiya qrupu (KVERT) bildirib.
"Kül buludu vulkanın təxminən 5 km qərbinə doğru hərəkət edib", - deyə məlumatda bildirilib.
Şiveluç vulkanı üçün "narıncı" aviasiya təhlükəsi kodu müəyyən edilib. Vulkanın ərazisindən beynəlxalq hava nəqliyyatı marşrutları keçmir.