Bakı. Trend:
Amerika Birləşmiş Ştatlarının Florida ştatında polis əməkdaşları Palm-Biç aeroportunda kütləvi atışma törətməyi planlaşdırdığı güman edilən bir kişini saxlayıb.
Trend bu barədə ABŞ KİV-ə istinadən xəbər verir.
Polisi hava limanı yaxınlığında tünd rəngli avtomobilini duracağa qoymuş “şübhəli şəxs” barədə aeroportun əməkdaşları məlumatlandırıb. Hadisə yerinə gələn polis avtomobildə AR-15 yarımavtomat silahı üçün patron komplektini aşkarlayıb.
Davam etdirilən axtarış nəticəsində, maşından tam dolumlu AR-15 silahı və bir neçə bıçaq üzə çıxıb. Maykl Rodriqez adlı şübhəli asayiş keşikçiləri tərəfindən saxlanılıb.
Rodriqezin buna qədər çoxsaylı məhkumluğu olub.