Bakı. Trend:
ABŞ-nin şimalına daxil olan Halonq tayfunu Alyaska ştatında daşqınlara və dağıntılara yol açıb. Azı iki kənd tamamilə suların altında qalıb.
Trend bu barədə ABŞ KİV-ə istinadən xəbər verir.
Bölgədə 1500-ə yaxın insan təbii fəlakətlə əlaqədar evlərini tərk etmək məcburiyyətində qalıb. Təxliyə edilən insanlar müvəqqəti olaraq məktəblərdə qurulan sığınacaqlara yerləşdiriliblər.
Həftəsonundan bəri müşahidə olunan qasırğa Yukon-Kuskokvim deltası boyunca şiddətli külək gətirib. Azı bir nəfərin öldüyü, iki nəfərin isə itkin düşdüyü bildirilir.