Bakı. Trend:
Bir vaxtlar Ruqalann bölgəsinin “ağ fəxri” hesab edilən və “Norveçin Cənub qütbü” ləqəbi alan Breyfonn buzlağı sürətlə yox olur və alimlərin qiymətləndirmələrinə görə, on ildən az müddətdə tamamilə yox ola bilər.
Trend xəbər verir ki, 2025-ci ildə “Annals of Glaciology” elmi jurnalında dərc olunmuş yeni tədqiqatlar göstərir ki, buzlaq ərazisinin 93-94 faizi artıq itirilib.
Breyfonn buzlağı bir vaxtlar Roqalann və Vestlann bölgələrinin sərhədində vahid buz kütləsi olsa da, 1980-ci illərdən başlayaraq ayrı-ayrı fraqmentlərə parçalanmağa başlayıb. 2018-ci ildən sonra bu parçalanma xüsusilə sürətlənib.
Ölçmələr göstərir ki, buzun qalınlığı ayrı-ayrı yerlərdə 1970-ci illərin sonlarından bəri 45 metrə qədər azalıb, son illərdə isə ən böyük qalıqlar hər il təxminən bir metr qalınlığını itirir.
Breyfonnun kəskin şəkildə azalması onu yox olmaq üzrə olan buzlaqların beynəlxalq siyahısı olan “Global Glacier Casualty List”ə daxil edib. Kütləvi parçalanmaya baxmayaraq, alimlər Breyfonnu buzlaq kimi təsnif etməyə davam edirlər və onun gələcək taleyi peyk müşahidələri vasitəsilə izləniləcək.