Bakı. Trend:
Pakistanın şimal-qərbində yerləşən Xeybər-Paxtunkva əyalətində partlayış törədilib. Hadisə nəticəsində biri uşaq olmaqla 2 nəfər həyatını itirib, bir neçə nəfər yaralanıb.
Trend bu barədə xarici KİV-ə istinadən xəbər verir.
Partlayış Bannu rayonundakı polis bölməsinin qarşısında baş verib.
Hadisə yerinə çox sayda təhlükəsizlik qüvvələri və xilasedicilər səfərbər olunub. Yaralılar yaxınlıqdakı xəstəxanaya təxliyə olunub.
Polis partlayışın səbəblərini araşdırır.