Bakı. Trend:
ABŞ Prezidenti Donald Tramp Latın Amerikası ölkələrində narkotik qaçaqmalçılığına qarşı mübarizə aparmaq məqsədi daşıyan hərbi koalisiyanın yaradıldığını açıqlayıb.
Trend-in məlumatına görə, Tramp bu barədə Floridada bir neçə Latın Amerikası ölkəsinin liderləri ilə görüşdə bildirib.
Trampın sözlərinə görə, təşəbbüsün iştirakçıları narkotik qaçaqmalçılarına qarşı əməliyyatlarda ordudan istifadə edilməli olduğu barədə razılığa gəliblər.
EFE xəbər agentliyi bildirir ki, Braziliya və Meksika görüşdə iştirak etməyib. Trampın sözlərinə görə, Meksika ABŞ-ın narkotik kartelləri ilə mübarizə təkliflərini rədd edib.