Azərbaycan, Bakı, 20 fevral /Trend, müxbir S.Əliyev /
Paytaxtdan saat 09:00-da uçmalı olan Bakı-Naxçıvan reysi Naxçıvanda hava şəraitinin dumanlı olması səbəbindən yubanır. Bu barədə çərşənbə günü Trend-ə Heydər Əliyev Beynəlxalq Aeroportundan məlumat verilib.
Aeroportdan deyildiyi kimi, hələlik reys saat 11:00-dək yubanır. Lakin onun dəqiq nə vaxt yola salınacağı Naxşıvandakı hava şəraitindən asılı olacaq.
Müvafiq olaraq paytaxta saat 12.00-da yerə enməli olan Naxçıvan-Bakı reysinin həyata keçirilməsi də ləngiyir.