Azərbaycan, Bakı, 28 iyun /Trend, müxbir Hüseyn Vəliyev/
"Bakıda I Avropa Oyunları möhtəşəm yarışlardır". Bu barədə Trend-ə çimərlik futbolu üzrə Macarıstan millisinin məşqçisi Tamas Veys deyib.
O, hər şeyin ən yüksək səviyyədə olduğunu bildirib: "Oyunların təşkili, stadionlar, xidmət edən işçi heyəti - hər şey yüksək səviyyədə idi. Bu möhtəşəm, inanılmaz tədbirdir. Komandamız yarışlarda layiqli çıxış etmək üçün bütün gücünü ortalığa qoydu".
T.Veys Bakıda birinci dəfə olmadığını qeyd edib: "Bakıya artıq üçüncü dəfədir gəlirəm. Şəhəriniz çox xoşuma gəlir. Hesab edirəm ki, Bakı turistlər üçün çox cəlbedici məkandır, mütləq dostlarıma bura səyahət etməyi məsləhət görəcəyəm".