...

Əfv sərəncamı ilə 2 saylı cəzaçəkmə müəssisəsindən 31 məhbus azadlığa çıxdı (FOTO) (YENİLƏNİB)

Gündəm Materials 17 Mart 2019 10:21 (UTC +04:00)
2 saylı cəzaçəkmə müəssisəsində əfv sərəncamının icrasına başlanılıb.
Əfv sərəncamı ilə 2 saylı cəzaçəkmə müəssisəsindən 31 məhbus azadlığa çıxdı (FOTO) (YENİLƏNİB)

Trend-i buradan izləyin

Bakı. Samir Əli - Trend:

Bakıda Ədliyyə Nazirliyi Penitensiar Xidmətinin 2 saylı cəzaçəkmə müəssisəsində əfv sərəncamının icrasına başlanılıb.

Trend-in məlumatına görə, sərəncam bu müəssisəsdə cəza çəkən 31 məhbusa şamil olunub. Bu müəssisədə əfv olunanlar arasında "Nida" hərəkatının üzvü Qiyas İbrahimov və jurnalist İbişbəyli Fikrət Fəraməz oğlu da var.

Qeyd edək ki, martın 16-da Prezident İlham Əliyevin imzaladığı əfv sərəncamı ilə 431 nəfər əfv edilib.

Əfv sərəncamı şamil edilənlərdən 399 nəfər cəzanın çəkilməmiş hissəsindən azad edilib.

Ömürlük azadlıqdan məhrum etmə cəzasına məhkum edilmiş bir nəfərin cəzası 25 il, 2 nəfərin cəzası isə 20 il müddətə azadlıqdan məhrum etmə cəzası ilə əvəz edilib. Azadlıqdan məhrum etmə cəzasına məhkum edilmiş və cəzasının çəkilməsi təxirə salınmış bir nəfər cəzadan azad edilib.

Azadlıqdan məhrumetmə cəzasına şərti olaraq məhkum edilmiş 11 nəfər də cəzadan azad olunub.

Bunda başqa, azadlığın məhdudlaşdırılması cəzasına məhkum edilmiş bir nəfər, islah işləri cəzasına məhkum edilmiş 3 nəfər cəzanın çəkilməmiş hissəsindən azad edilib.

1 nəfər ictimai işlər cəzası, 12 nəfər isə cərimə cəzasından azad edilib.

Əfv sərəncamı 14 xarici vətəndaşa, o cümlədən 3 Gürcüstan, 2 Rusiya, 2 Nigeriya, hərəsinə 1-i olmaqla Türkiyə, İran, Özbəkistan, Çin, Kamerun, Hindistan, Belarus vətəndaşlarına da şamil olunub.

Məqalədə:
Xəbər lenti

Xəbər lenti