Bərdə. Samir Əli - Trend:
Ermənistan silahlı qüvvələrinin Bərdə rayonunu atəşə tutması nəticəsində aşkar edilən raket qalıqları toplanıb.
Trend-in hadisə yerində olan müxbirinin verdiyi məlumata görə, raket qalıqları ANAMA əməkdaşları tərəfindən aşkar edilərək götürülüb. Raket qalıqları təhlükəsizlik məqsədilə xüsusi ayrılmış əraziyə aparılaraq orada zərərsizləşdiriləcək.
Xatırladaq ki, oktyabrın 27-si və 28-də Ermənistan silahlı qüvvələri Bərdə rayonunda dinc sakinlərin yaşadığı əraziləri raket atəşinə tutub. Hadisə nəticəsində 26 nəfər həlak olub, 75-dən çox şəxs isə yaralanıb.
