...

Yasamalda ağaclar düzgün budanmayıb - ETSN (FOTO)

Gündəm Materials 16 Aprel 2021 11:05 (UTC +04:00)
Yasamalda ağaclar düzgün budanmayıb - ETSN (FOTO)

Bakı. Ceyhun Ələkbərov - Trend:

Bakı şəhəri Yasamal rayonu Şərifzadə - 192 ünvanında ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan məlumat Xidmətin əməkdaşları tərəfindən yerində araşdırılıb.

Xidmətin rəsmisi Vaqif Cavadov Trend-ə bildirib ki, əraziyə keçirilən baxış zamanı sözügedən ünvanda Bakı şəhər İcra Hakimiyyətinin Yaşıllaşdırma Təsərrüfatı Birliyi tərəfindən ağacların vegetasiya dövrü olmasına baxmayaraq ərazidə budama işlərinin aparıldığı müəyyən olunub.

"Mütəxəssislər tərəfindən aparılan araşdırma zamanı budama işlərinin düzgün aparılmadığı, ağacların 4-5 metr hündürlükdən sərt budandığı məlum olub.

İşlərin təcili dayandırılması və budanan ağaclara aqrotexniki qulluq göstərilməsi məqsədilə aprelin 15-də Yaşıllaşdırma Təsərrüfatı Birliyinə məcburi göstəriş verilib".

Məqalədə:
Xəbər lenti

Xəbər lenti