Bakı. Trend:
Türkiyənin xarici işlər naziri Mövlud Çavuşoğlu yaxın iki gün ərzində Rusiya və Ukraynaya səfər edəcək.
Trend-in məlumatına görə, bu barədə Türkiyə prezidenti Rəcəb Tayyib Ərdoğan ölkənin Nazirlər Kabinetinin iclasından sonra çıxışında bildirib.
"Bu gün mən xarici işlər nazirimizi Rusiyaya göndərirəm. Sabah onun Moskvada danışıqları var, cümə axşamı isə o Ukraynaya gedəcək", - deyə R.T.Ərdoğan qeyd edib.
Türkiyə dövlət başçısı polşalı həmkarı Anjey Dudanın martın 16-da Türkiyəyə səfər edəcəyini də açıqlayıb.