Bakı. Trend:
Azərbaycan minalarla çirklənmənin ən yüksək olduğu ölkələrdəndir.
Bunu Trend-ə videomüsahibəsində Minalar Əleyhinə Azərbaycan Kampaniyası İctimai Birliyinin sədri Hafiz Səfixanov deyib.
O qeyd edib ki, azad edilmiş torpaqların böyük əksəriyyəti mina və partlamamış hərbi sursatların təsirinə məruz qalıb.
"Azərbaycan müharibə bitəndən dərhal sonra həmin əraziləri mina və partlamamış sursatlardan təmizləməyə başlayıb. Bugünədək orada böyük həcmdə iş görülüb. Lakin mina və partlayıcılar sözügedən ərazilərdə çoxdur. Buna görə ərazilərin təmizlənməsi vaxt alır.”
H.Səfixanov bildirib ki, 1991-ci ildən bu günə qədər ölkəmizdə mina qurbanlarının sayı 3383 nəfərdir.
Geniş videomüsahibəni təqdim edirik: