Azərbaycan, Bakı, 07 avqust / Trend , müxbir S.Kazımlı/ Azərbaycanın paytaxtında Türkiyə Respublikası vətəndaşına məxsus şirkətdən oğurluq edilib.
Nərimanov Rayon Polis İdarəsindən (RPİ) cümə axşamı Trend -a verilən məlumata görə, dünən Türkiyə Respublikası vətəndaşı Şən Osman İhsan ona məxsus Fətəli Xoyski küçəsi, ev 104, mənzil 13 ünvanında yerləşən "Dizayn Center" şirkətinin seyfindən 10 min dollar pul oğurlandığı barədə polisə müraciət edib.
RPİ-dən bildiriblər ki, hələlik hadisə ilə bağlı saxlanılan yoxdur. Hazırda bu istiqamətdə əməliyyat-axtarış tədbirləri davam etdirilir.
Faktla bağlı Nərimanov RPİ-də Azərbaycanın Cinayət Məcəlləsinin külli miqdarda ziyan vurmaqla oğurluq törədilməsi (177.2.3) maddəsi ilə cinayət işi başlanılıb, istintaq aparılır.
Məqalə müəllifi ilə əlaqə ünvanı: [email protected]
