Azərbaycan, Bakı, 13 sentyabr /Trend/
Bakıda çoxmərtəbəli yaşayış binasında yanğın olub.
Trend-in Fövqəladə Hallar Nazirliyinin internet saytına istinadən veridyi məlumata görə, Bakı şəhəri, Binəqədi rayonunda onaltımərtəbəli yaşayış binasının 15-ci mərtəbəsində vətəndaşa məxsus ümumi sahəsi 77 kv.m olan 3 otaqlı mənzildə 12 kv.m sahədə əşyalar yanıb.
Yüksək temperaturdan mətbəxin lambrindən ibarət tavanının yanar konstruksiyaları 9 kv.m sahədə əriyib. Hadisə yerinə cəlb edilmiş yanğınsöndürənlər tərəfindən 30 nəfər təxliyyə edilib, mənzilin qalan hissəsi yanğından mühafizə olunub.