Azərbaycan, Bakı, 21 fevral / Trend müxbir K.Zərbalıyeva/
Ötən il Bakıda ABŞ vətəndaşının mənzilindən oğurluq edən şəxs tutulub.
Bakı şəhər Baş Polis İdarəsindən Trend-ə verilən məlumata görə, Səbail Rayon Polis İdarəsinin 9-cu polis bölməsinin əməkdaşlarının keçirdikləri əməliyyat tədbirləri nəticəsində Masallı rayon sakini, əvvəllər məhkum olunmuş Rafiz Rüstəmovdan 450 qramdan artıq marixuana aşkar olunaraq götürülüb.
Müəyyən edilib ki, Rüstəmov ötən il dekabrın 13-də Bünyad Sərdarov küçəsində yaşayan ABŞ vətəndaşı MacKenze Patrisanın mənzilinə aldatma yolu ilə daxil olaraq oradan 50 manat və şəxsi sənədlər oğurlayıb.
