Azərbaycan, Bakı, 7 aprel /Trend/
Aprelin 7-nə keçən gecə saat 03:49 radələrində Ermənistan Föqəladə Hallar Nazirliyinə (FHN) Gümrüdə hərbi anbarda yanğın baş verməsi haqqında məlumat daxil olub. Bu barədə şənbə günü Trend "News.am"a istinadən məlumat verir.
Ermənistan FHN-in məlumatına əsasən, yanğının söndürülməsində nazirliyin üç yanğınsöndürən və sudaşıyan maşın, hərbi hissənin 2 yanğınsöndürən və sudaşıyan maşını, habelə hərbçilər iştirak ediblər.
Saat 06:50-də yanğının yayılmasının qarşısı alınıb, saat 08:40-da isə yanğın söndürülüb.
Hadisənin təfərrüatları açıqlanmır.