Azərbaycan, Bakı, 9 mart /Trend/
Həsən Əliyev və Atatürk prospektlərinin kəsişməsində yol qəzası baş verib. Trend-in məlumatına görə, toqquşma nəticəsində 4 avtomobilə zərər dəyib: BMW X5, Toyoto Prado, Mercedes GL və Tofaş.
Şahidlərin sözlərinə görə, BMW X5 toqquşma nəticəsində bir neçə dəfə çevrilib və alışıb. Avtomobilin söndürülməsinə isə 2 yanğınsöndürən maşın cəlb edilib.
Hadisə yerində yaralılar var. Lakin ölənlər haqqında məlumat verilmir.
