Azərbaycan, Bakı, 14 mart /Trend, müxbir İ.İzzət/
Hakim Yeni Azərbaycan Partiyasının (YAP) yerli nümayəndəliyinin yerləşdiyi binada yanğın olub.
Daxili İşlər Nazirliyinin mətbuat xidmətindən Trend-ə daxilolan məlumata görə, martın 14-də saat 03.30 radələrində Zaqatala rayonunun Kəpənəkçi kəndi ərazisində, kənd icra nümayəndəliyinin, kənd bələdiyyəsinin, kənd kitabxanasının və YAP-ın yerli nümayəndəliynin yerləşdiyi ümumi olan inzibati binada yanğın baş vermişdir.
Nəticədə, bütövlükdə binanın yanar konstruksiyaları və oradakı əşyalar yanmışdır.