Azərbaycan, Bakı, 23 may /Trend, müxbir İ.İzzət/
Hacıqabul rayon sakini Nizami Zalovu bıçaqla qətlə yetirmiş Mehman Abdullayev tutulub.
Trend Daxili İşlər Nazirliyinin mətbuat xidmətinin məlumatına istinadən xəbər verir ki, mayın 22-də Hacıqabul rayonu ərazisində rayon sakini Mehman Abdullayev münaqişə zəminində həmyerlisi Nizami Zalovu bıçaqla qətlə yetirib.
Hacıqabul Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Abdullayev tutulub.
Faktla əlaqədar cinayət işinə başlanıb.