Azərbaycan, Bakı, 25 may /Trend/
Ötən gün Azərbaycanın avtomobil yollarında 3 yol-nəqliyyat hadisəsi baş verib, nəticədə 1 nəfər ölüb, 2 nəfər yaralanıb.
Daxili İşlər Nazirliyinin mətbuat xidmətindən Trend-ə verilən məlumata görə, mayın 25-də saat 00:40 radələrində Bərdə rayonunun Poçtbinə kəndi ərazisində Goranboy rayon sakini Qurban Əliyevin idarə etdiyi "VAZ-21093" markalı və sürücüsünün hələlik müəyyən edilmədiyi "Mercedes" markalı avtomaşınlar toqquşub. Nəticədə Q.Əliyev hadisə yerində ölmüş, "Mercedes"in sürücüsü avtomaşını hadisə yerində ataraq qaçıb.
BDYPİ tərəfindən əməliyyat-axtarış tədbirləri aparılır.