Azərbaycan, Bakı, 17 sentyabr /Trend/
Şəmkirdə ölümlə nəticələnən yol-nəqliyyat hadisəsi baş verib.
Trend-in FHN-nin rəsmi saytına istinadən verdiyi məlumata görə, "MERCEDES" markalı minik avtomobili idarəetməni itirərək yol kənarındakı ağaca çırpılıb.
Qəza nəticəsində sərnişin müxtəlif bədən xəsarətləri ilə yanğınsöndürən-xilasedicilər çatana kimi vətəndaşlar tərəfindən çıxarılaraq rayon mərkəzi xəstəxanasına aparılıb.
Avtomobilin sürücüsü 1990-cı il təvəllüdlü Hüseynov Fuad Afiq oğlunun sıxılmış meyiti yanğınsöndürən-xilasedicilər tərəfindən müxtəlif kəsici alət və avadanlıqlardan istifadə olunmaqla çıxarılıb və aidiyyatı üzrə təhvil verilib.
Yanğın təhlükəsizliyini təmin etmək üçün ətrafa dağılmış yanacaq yuyulub.