Azərbaycan, Bakı, 13 noyabr /Trend, müxbir İ.İzzət/
Gəncədə evin zirzəmisindən odlu silah və sursat tapılıb.
Trend Daxili İşlər Nazirliyinin (DİN) rəsmi saytına istinadən xəbər verir ki, daxil olmuş məlumata əsasən, noyabrın 12-də Gəncə şəhəri Nizami Rayon Polis İdarəsi əməkdaşları tərəfindən Heydər Əliyev prospekti, 151 ünvanındakı evin zirzəmisində axtarış aparılıb.
Axtarış zamanı 1 ədəd "AK-74" silahı, 70 ədəd patron və 2 ədəd patron darağı tapılıb.
Faktla bağlı araşdırma aparılır.