Azərbaycan, Bakı, 10 noyabr /Trend, müxbir İlkin İzzət/
Bakının Xətai rayonunda avtomobillə iki piyada vurulub.
Daxili İşlər Nazirliyinin mətbuat xidmətindən Trend-ə verilən məlumata görə, noyabrın 9-da saat 03 radələrində Xətai rayonunun Nobel prospektində Bakı şəhər sakini Emil Rüstəmov idarə etdiyi "Subaru" markalı avtomobillə yolu keçən paytaxt sakini Rüstəm Rüstəmovu və 25-30 yaşlı qadını vurub. Qadın hadisə yerində ölüb, R.Rüstəmov xəstəxanaya yerləşdirilib.
Faktla bağlı Xətai rayon Polis İdarəsi tərəfindən araşdırma aparılır.