Azərbaycan, Bakı, 13 fevral /Trend/
Nəqliyyat Departamentinə məxsus avadanlıqları oğurlayan şəxs tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Qaradağ RPİ 11-ci PB əməkdaşlarının keçirdiyi əməliyyat-axtarış tədbirləri nəticəsində, ötən ilin oktyabrın 15-də saat 13:30 radələrində, Qobustan qəsəbəsi ərazisində yerləşən Nəqliyyat Departamentinə məxsus Tərəzi Nəzarət Məntəqəsindən pəncərəni sındırmaqla çoxsaylı məişət avadanlıqlarını oğurlamaqda şübhəli bilinən Bakı şəhər sakini, 1987-ci il təvəllüdlü Rəşid Məmmədov tutulub.
R.Məmmədov əvvəllər də məhkumluq həyatı yaşayıb.