Azərbaycan, Bakı, 4 noyabr /Trend, müxbir Elmir Murad/
Lənkəran rayonunda yol-nəqliyyat hadisəsi baş verib.
Daxili İşlər Nazirliyindən Trend-ə verilən məlumata görə, Şilavar kəndində rayon sakini Ravid Qurbanov idarə etdiyi "Daewoo" markalı avtomobili yolun kənarında dayanmış həmyerlisi Şahin Lütfizadəyə məxsus "Ford" markalı avtomobilə vurub.
Hadisə nəticəsində xəsarət alan R.Qurbanov və sərnişini xəstəxanaya yerləşdirilib. R.Qurbanov xəstəxanada ölüb.
Faktla bağlı Baş Dövlət Yol Polisi İdarəsi tərəfindən araşdırma aparılır.