Bakı. Elnur Bağışov - Trend:
İranın cənub-şərqində Sistan və Bəluçestan vilayətində son günlər qum qasırğası nəticəsində 465 nəfər xəstəxanaya müraciət edib.
Trend-in məlumatına görə, bunu vilayətin Fövqəladə hallar idarəsinin baş direktoru Əbdürrəhman Şəhnəvazi deyib.
Ə.Şəhnəvazinin sözlərinə görə, pasiyentlər nəfəs, göz və ürək çatışmazlığına görə müraciət ediblər.
Müraciət edənlərdən 127-i stasionar müalicəyə götürülüb.
Ötən gün qum qasırğasının sürəti saatda 112 kilometrə çatıb.