Bakı. Trend:
Pakistanın cənubundakı Kəraçi şəhərində baş verən partlayış nəticəsində ölənlərin sayı 16-ya çatıb.
Trend bu barədə yerli KİV-lərə istinadən xəbər verir.
Hüquq-mühafizə orqanlarının məlumatına görə, partlayış özəl bank binasında baş verib. Yaralılar xəstəxanaya yerləşdirilib. Hadisə yerinə gələn mütəxəssislər hadisənin səbəblərini araşdırırlar. Axtarış-xilasetmə işləri davam edir.
Ilkin ehtimala görə, partlayış qaz sızması səbəbindən baş verə bilərdi.