Bakı. Trend:
Çinin şimal-qərbindəki Lançjou şəhərində kimyəvi zavodda baş verən partlayış nəticəsində 8 nəfər yaralanıb, daha 6 nəfər itkin düşüb.
Trend xəbər verir ki, bu barədə yerli CCTV telekanalı məlumat yayıb.
Qeyd olunur ki, hadisə iyunun 16-da axşam saatlarında baş verib. Hazırda həkimlər zərərçəkənlərə yardım edir, onlardan ikisinin vəziyyəti ağırdır.
Partlayış baş verən əraziyə xilasedicilər cəlb edilib. Hadisənin başvermə səbəbləri araşdırılır.