Bakı. Trend
İntensiv yağışlar nəticəsində Şahbuz rayonu Biçənək kənd avtomobil yolunda uçqun baş verib.
Trend-in məluatına görə, iri qaya parçaları yolun hərəkət hissəsinə aşıb. Nəticədə nəqliyyatın hərəkəti məhdudlaşıb.
Dərhal əraziyə Naxçıvan Avtomobil Yolları Dövlət Agentliyinin xüsusi texnikaları və canlı qüvvəsi cəlb olunub.
Qısa müddət ərzində qaya parçaları ərazidən uzaqlaşdırılıb və sözügedən yolda hərəkət bərpa edilib.