Bakı. Trend:
Əşyaların İnterneti (IoT) platforması ilə əlaqələndirilən istehlakçı elektronikasının və “ağıllı” cihazların aparıcı istehsalçısı olan “Xiaomi” Korporasiyası (“Xiaomi” və ya “Qrup”, səhm kodu: 1810) beynəlxalq bazarlara “Redmi Note 14” smartfon seriyasının buraxıldığını elan edir. Yeni məhsul xəttinə 3 model daxildir: “Redmi Note 14 Pro+ 5G”, “Redmi Note 14 Pro” və “Redmi Note 14”. Bu cihazlar süni intellektə malik yüksək texnoloji kamerası, inanılmaz davamlılığı və yenilənmiş funksional imkanları sayəsində “Redmi Note” seriyasını yeni səviyyəyə çatdırır və qabaqcıl funksiyaları geniş istifadəçi kütləsinə təqdim edir.
Süni intellektə malik kameralar sayəsində hər anı ən yüksək dəqiqliklə yaddaşa köçürün
“Redmi Note 14” seriyasına daxil olan smartfonların kameraları flaqman modelləri səviyyəsində şəkillər çəkmək üçün işlənib hazırlanıb. “Pro” versiyalarının ən yüksək səviyyəli modelləri təsvirin optik sabitləşdirmə (OIS) texnologiyasına malik peşəkar səviyyəli 200 meqapiksellik AI kamerası ilə təchiz edilib ki, bu da ən kiçik detalları belə çəkməyə imkan verir. Modellər həmçinin geniş miqyaslama imkanları ilə təchiz edilib. Belə ki, “Redmi Note 14 Pro+ 5G” smartfonu keyfiyyət itkisinə yol vermədən 2x və 4x optik “zoom”dan 30 qat rəqəmsal “zoom”a qədər, “Redmi Note 14 Pro” isə 20 qat rəqəmsal “zoom”a qədər genişlənmə imkanına malikdir. Öz növbəsində, “Redmi Note 14” smartfonları parlaq rəngləri və aydın detalları ötürən 108 meqapiksellik AI kamerası ilə təchiz edilib ki, bu da yüksək keyfiyyətli fotoqrafiyanı hər kəs üçün əlçatan edir.
Ön kameralar da xeyli təkmilləşdirilib: bütün modellər minimum 20 Mp genişlənməli sensorlarla təchiz edilib. “Redmi Note 14 Pro” modeli 32 meqapiksellik ön kamerası ilə fərqlənir. Genişbucaqlı 0.8x “zoom” sayəsində məhsul xəttinin bütün smartfonları asanlıqla qrup selfiləri çəkməyə, eyni zamanda, dostlar və yaxınlarla keçirmək üçün qiymətli anlara qənaət etməyə imkan verir.
Unikal foto və videokontent üçün yaradıcı imkanlar
“Redmi Note 14” kreativ kontent yaratmaq üçün təkcə güclü kameralar deyil, həm də bir sıra funksiyalar təklif edir. Bunlara daxildir:
- Kadrlara çətin sezilən hərəkət əlavə etməklə onları canlandıran dinamik fotoşəkillər.
- Eyni vaxtda həm ön, həm də əsas kameralarla video çəkməyə imkan verən və müxtəlif rakurslarda videoçarxlar yaradan “Dual Video” rejimi.
- Süni intellektə malik təkmilləşdirilmiş alətlər sayəsində “Pro” modellərdə fotoşəkilləri redaktə etmək daha rahat oldu:
Fonu asanlıqla dəyişmək üçün baza versiyalarında “AI Sky” kimi alətlər də nəzərdə tutulub. Daxili AI həlləri² daha sürətli redaktə etməyə və daha peşəkar nəticələr əldə etməyə imkan verir. Bu, emal prosesini sadə və maraqlı prosesə çevirir.
Gündəlik həyat üçün davamlılıq və etibarlılıq
“Redmi Note 14” seriyalı smartfonlar düşmə, cızılma və suya qarşı daha yüksək qorunma qabiliyyəti sayəsində gündəlik istifadə çağırışlarının öhdəsindən gəlmək üçün yaradılıb. Konstruksiyanın əsasını yüksək davamlılığa malik alüminium çərçivədən, amortizasiya köpüyündən və polimer bufer əlavələrindən ibarət “All-Star Armor Structure” təşkil edir. “Redmi Note 14 Pro+ 5G” modelində yer alan bu elementlər düşmədən əlavə qorunmanı təmin edir.
Bundan əlavə, “Pro” versiyalarının displeyi cızılmaya davamlı Corning® Gorilla® Glass Victus® 2 şüşəsi ilə təchiz edilib, “Redmi Note 14 Pro+ 5G” smartfonunun arxa qapağı isə Corning® Gorilla® Glass 7i şüşəsindən və ya ekoloji təmiz dəridən hazırlanıb. Digər modellərdə Corning® Gorilla® Glass 5 şüşəsindən istifadə olunur ki, bu da bütün məhsul xəttinin möhkəmliyini və etibarlılığını təmin edir.
Seriya həmçinin xarici təsirlərdən qorunur:
- “Redmi Note 14 Pro+ 5G” smartfonu IP68 qorunma reytinqinə malikdir ki, bu da onları yağışdan ekstremal şəraitlərə qədər müxtəlif vəziyyətlərdə suya və toza qarşı davamlı cihaza çevirir.
- IP64 reytinqinə malik “Redmi Note 14 Pro” modeli toz və su damcılarından qorunur.
- IP54 reytinqinə malik “Redmi Note 14” modeli kiçik damcıların və tozun öhdəsindən gəlir.
Bundan əlavə, bütün modellərin displeyləri rütubətli və ya yağlı mühitlərdə belə işləmək üçün optimallaşdırılıb və sensorlu giriş dəqiqliyini təmin edir.
Bütün günə bəs edəcək güc
“Redmi Note 14” smartfonları videozənglərdən oyunlara qədər istənilən tapşırığın öhdəsindən asanlıqla gələn güclü çipsetlər və uzunömürlü batareyalarla təchiz edilib. Lider model olan “Redmi Note 14 Pro+ 5G” 4 nm texnologiyasına əsaslanan “Snapdragon® 7s Gen 3” prosessoru ilə debüt edir.
Bu, modelin ildırımsürətli iş və yüksək reaksiya qabiliyyətini təmin edir. “120W HyperCharge” texnologiyalı 5110 mAh həcmli batareya cihazı bir neçə dəqiqə ərzində tam şarj etməyə imkan verir. Bu model həmçinin -20°C-dək temperaturda işləyən yüksək sıxlıqlı batareya ilə təchiz edilib ki, bu da sərt hava şəraitində belə əlaqədə qalmaq istəyən istifadəçilər üçün idealdır.
Uzunmüddətli etibarlılığı təmin etmək üçün bütün cihazlar uzunömürlü batareyalarla təchiz edilib: bu batareyalar 1600 şarj dövrəsindən sonra həcmin 80%-ni saxlamağa imkan verir³.
Gündəlik həyat üçün “ağıllı” texnologiyalar
“Redmi Note 14” seriyasının bütün modellərində fərdiləşdirilmiş qarşılıqlı əlaqə təklif edən “Google Gemini”² sistemi mövcuddur, “Pro” modellərdə təqdim edilən “Circle to Search”² funksiyası isə informasiya axtarışını asanlaşdırır və gündəlik tapşırıqların yerinə yetirilməsini sürətləndirir.
Performans və enerji səmərəliliyinin düşünülmüş ahəngi sayəsində “Redmi Note 14” bütün gün ərzində sabit işi təmin edir və həqiqətən vacib olduqda sürətlə şarj olunur.
Görmə qabiliyyətinin qayğısına qalan təkmilləşdirilmiş displey sayəsində kontentdən zövq alma
“Redmi Note 14” seriyası sosial şəbəkələrdən oyunlara və videolaradək müxtəlif kontentləri canlandıran və rəvan keçidləri təmin edən 120 Hz yeniləmə tezliyinə malik parlaq ekranla təchiz edilib. “Redmi Note 14 Pro+ 5G” modeli ən kiçik detalları belə görməyə imkan verən 1.5K genişlənmə sayəsində təsvir keyfiyyətini yeni səviyyəyə yüksəldir.
Görmə qabilliyyətinin qorunması texnologiyaları uzunmüddətli istismar zamanı belə smartfonlardan istifadəni daha komfortlu edir. Displeylər “TÜV Rheinland Low Blue Light” (Hardware Solution) standartlarına uyğun olaraq mavi rəngin təsirini minimuma endirir, həmçinin “Flicker Free” və “Circadian Friendly” kimi sertifikatlara layiq görülüb ki, bu da onları axşam saatlarında işləmək və ya uzun-uzadı serial izləmək üçün ideal cihazlara çevirir. Parlaq gün işığında isə 3000 nitədək maksimum parlaqlığa malik “Redmi Note 14 Pro+ 5G” modelinin displeyii təsvirin aydınlığını və parlaqlığını təmin edir ki, bununla da günün istənilən vaxtında izləməni eyni dərəcədə komfortlu edir.
Texnologiyaların və praktikliyin ideal balansı
“Xiaomi” brendinin “Redmi Note 14” seriyası yüksək performansı, möhtəşəm fotoqrafik imkanları və etibarlılığı özündə birləşdirir. Yüksək genişlənməyə və “ağıllı” alətlərə malik kameralardan tutmuş toza və suya davamlı möhkəm korpusa, güclü prosessorlara və şarjı bütün gün saxlayan akkumulyatorlara qədər müxtəlif üstünlükləri sayəsində “Redmi Note 14” sərfəli qiymətə premium funksiyalar təklif etməklə yeni standart müəyyən edir.
Qiymətlər və əlçatanlıq
- “Redmi Note 14 Pro+ 5G” qara, bənövşəyi və mavi⁷ rənglərdə üç yaddaş həcmi variantı⁸ ilə təqdim olunur. Tövsiyə edilən pərakəndə satış qiyməti — 1099 AZN-dən;
- “Redmi Note 14 Pro” qara, bənövşəyi və mavi⁷ rənglərdə dörd yaddaş həcmi variantı⁸ ilə təqdim edilir. Tövsiyə edilən pərakəndə satış qiyməti — 779 AZN-dən;
- “Redmi Note 14” qara, bənövşəyi, mavi və yaşıl⁷ rənglərdə üç yaddaş həcmi variantı⁸ ilə təqdim edilir. Tövsiyə edilən pərakəndə satış qiyməti — 479 AZN-dən.