Azərbaycan, Bakı, 03 mart / Trend , müxbir E.Rüstəmov /
"Gələcəkdə ermənilərin və azərbaycanlıların sülh şəraitində birgə yaşamalarının təmin olunması imkanlarını dəqiqləşdirmək lazımdır", - Dağlıq Qarabağ münaqişəsinin həlli üzrə ATƏT-in Minsk Qrupu həmsədrləri hesab edirlər.
"Ermənilər və azərbaycanlılar Azərbaycan və Ermənistan arasındakı müharibəyə qədər Dağlıq Qarabağda yaşayıblar və indi onların gələcək həyatlarını təşkil etmək lazımdır", - çərşənbə axşamı Bakıya səfərə gələn ATƏT-in Minsk Qrupunun fransalı həmsədri Bernar Fasye jurnalistlərə bildirib.
İki Cənubi Qafqaz ölkəsi arasında münaqişə 1988-ci ildə Еrmənistanın Azərbaycana qarşı ərazi iddiası irəli sürməsi zəminində yaranıb. 1991-ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992-1993 - cü illərdə Şuşa, Xocalı və Dağlıq Qarabağa bitişik yeddi rayon işğal olunub. 1994 - cü ilin mayında tərəflər atəşkəs rеjiminə dair razılaşma əldə еdiblər вə о вaхtdan bəri, ATƏT-in Minsk Qrupunun himayəsi altında, Rusiya, Fransa вə ABŞ - ın həmsədrliyi ilə, hələ ki, nəticəsiz sülh danışıqları aparılır.
Minsk Qrupu vasitəçiləri Bakıya bu gün, rəsmi Bakı ilə danışıqların davam etdirilməsi üçün gəliblər. Buna qədər onlar Xankəndi və Yerevanda olublar.