Azərbaycan, Bakı, 29 mart / Trend müxbir K.Zərbalıyeva/
Ağdamda uşaqlar üçün inşa edilən oyun meydançasının ərazisində top mərmisi tapılıb.
Azərbaycan Ərazilərinin Minalardan Təmizlənməsi üzrə Milli Agentliyin (ANAMA) mətbuat xidmətindən Trend-ə verilən məlumata görə, Ağdam rayonunun Əhmədalılar kəndinin mərkəzində uşaqlar üçün inşa edilən oyun meydançasının ərazisində 122 mm-lik top mərmisi tapılıb.
Bu gün ANAMA mütəxəssisləri tərəfindən tapılmış top mərmisinin yerində zərərsizləşdirmə əməliyyatı həyata keçiriləcək.