...

Fransa Ermənistan və Azərbaycan qoşunlarının təmas xəttində zorakılıq hallarının artmasından narahatdır

Ermənistan-Azərbaycan münaqişəsi Materials 4 Avqust 2014 18:53
Fransa qoşunların təmas xəttində və Ermənistan-Azərbaycan dövlət sərhədində çoxsaylı qurbanlara səbəb olmuş zorakılıq hallarının artmasından narahatdır.
Fransa Ermənistan və Azərbaycan qoşunlarının təmas xəttində zorakılıq hallarının artmasından narahatdır

Trend-i buradan izləyin

Azərbaycan, Bakı, 4 avqust /Trend/

Fransa qoşunların təmas xəttində və Ermənistan-Azərbaycan dövlət sərhədində çoxsaylı qurbanlara səbəb olmuş zorakılıq hallarının artmasından narahatdır. Bu barədə Trend bazar ertəsi Fransa Xarici İşlər Nazirliyinin saytına istinadən məlumat verir.

Məlumatda deyilir: "Dağlıq Qarabağ münaqişəsi yalnız sülh yolu ilə həll edilə bilər. Fransa tərəfləri atəşkəs rejiminə riayət etməyə və gərginliyin azaldılması və yeni insidentlərin qarşısını almaq üçün dərhal tədbirlər görməyə çağırır".

Qeyd edək ki, erməni silahlı qüvvələri son dövrlər cəbhə xəttində atəşkəs rejimini daha intensiv pozur. İyulun 31-dən avqustun 1-nə keçən gecə isə erməni kəşfiyyat-təxribat qrupları Ağdam və Tərtər rayonları ərazisində qoşunların təmas xəttini keçməyə cəhd göstərib. Digər kəşfiyyat-təxribat cəhdi isə avqustun 1-dən 2-nə keçən gecə baş verib. Lakin Silahlı Qüvvələrimizin bölmələrinin sayıqlığı nəticəsində hər iki təxribatın qarşısı alınıb. Şiddətli atışmadan sonra erməni bölmələri xeyli itki verərək geri çəkilməyə məcbur edilib.

Məqalədə:
Xəbər lenti

Xəbər lenti