...

Sergey Lavrov: Prezidentlər Dağlıq Qarabağ görüşünün yekunu üzrə birgə bəyanat qəbul ediblər

Ermənistan-Azərbaycan münaqişəsi Materials 20 İyun 2016 20:38
Rusiya, Azərbaycan və Ermənistan prezidentləri Vladimir Putin, İlham Əliyev və Serj Sarkisyan Dağlıq Qarabağ münaqişəsi zonasında təmas xəttində vəziyyətin normallaşdırılmasına sadiq olduqlarını bildiriblər.
Sergey Lavrov: Prezidentlər Dağlıq Qarabağ görüşünün yekunu üzrə birgə bəyanat qəbul ediblər

Trend-i buradan izləyin

Bakı. Trend:

Rusiya, Azərbaycan və Ermənistan prezidentləri Vladimir Putin, İlham Əliyev və Serj Sarkisyan Dağlıq Qarabağ münaqişəsi zonasında təmas xəttində vəziyyətin normallaşdırılmasına sadiq olduqlarını bildiriblər və ATƏT müşahidəçilərin sayının artırılması barədə razılığa gəliblər.

Trend-in RİA Novosti-yə istinadən verdiyi məlumata görə, bunu Rusiyanın xarici işlər naziri Sergey Lavrov deyib.

S.Lavrov qeyd edib: "Bundan başqa, biz danışıqlar prosesinin aktivləşdirilməsi üzrə konkret addımları qeyd etdik. Prezidentlər Azərbaycan və Ermənistan qoşunlarının təmas xəttində vəziyyətin normallaşdırılmasına sadiqliyin qeyd olunduğu, münaqişə zonasında işləyən ATƏT müşahidəçilərinin artırılmasını və Dağlıq Qarabağ münaqişəsinin nizamlanması üzrə danışıqlar prosesində davamlı irəliləyiş üçün şəraitin yaradılmasına sadiqliyi nəzərdə tutan üçtərəfli bəyanatı razılaşdırdılar".

Qeyd edək ki, bu gün Sankt-Peterburq şəhərində Azərbaycan Prezidenti İlham Əliyevin, Rusiya Prezidenti Vladimir Putinin və Ermənistan Prezidenti Serj Sarkisyanın birgə görüşü olub.

Məqalədə:
Xəbər lenti

Xəbər lenti