Azərbaycan və Ermənistan prezidentlərinin Kazanda görüşündən sonra rəsmi Yerevan Dağlıq Qarabağ münaqişəsinin sülh yolu ilə nizamlanması ilə bağlı danışıqları davam etdirilməsini təxirə salıb. Bu barədə Azərbaycanın xarici işlər naziri Elmar Məmmədyarov məlumat verib. Məlumatı Trend yayıb.
Onun sözlərinə görə, tərəflər danışıqları "Praqa" prosesi adlandırılan çərçivədə davam etdirəcəklər. "Azərbaycan tərəfi son danışıqlarda öz mövqeyini təqdim etsə də, erməni tərəfi fikirləşmək üçün vaxt istəyib.
Bundan sonra tərəflər danışıqların hansı şəkildə davam etdiriləcəyi barədə qərara gələcəklər, - deyə nazir qeyd edib. - Xarici işlər nazirlərinin nö.vbəti görüşünün keçirilməsi və ya ATƏT-in Minsk Qrupunun həmsədrlərinin regiona gəlməsi barədə təkliflər mövcuddur.
"Hələlik növbəti addımın hansı istiqamətdə atılacağı barədə dəqiq məlumat yoxdur" - deyə E.Məmmədyarov bildirib. Onun sözlərinə görə, bu istiqamətdə müzakirələr davam etdiriləcək.