ATƏT-in fəaliyyətdə olan sədrinin xüsusi nümayəndəsi Anjey Kaspşik Azərbaycan və Ermənistan XİN rəhbərlərinin yanvarın 23-nə təyin olunmuş görüşündə iştrak etmək üçün Moskvaya gəlib. Bu barədə Trend ə Azərbaycandakı xüsusi nümayəndənin səhra köməkçisi Jaslan Nurtacayev bildirib.
O həmçinin qeyd edib ki, görüşdən dərhal sonra A.Kaspşik ATƏT-in Minsk qrupu həmsədrləri ilə birgə regiona gələcək.
Xatırladaq ki, bu gün Azərbaycan XİN rəhbəri Elmar Məmmədyarov və ATƏT-in Minsk qrupu həmsədrlərinin iştirakı ilə ilk işgüzar görüş keçiriləcək.
Azərbaycan və Ermənistan XİN rəhbərləri arasında əsas görüş sabaha təyin edilib.