Azərbaycan, Bakı / Trend , müxbir E.Hüseynli/ Ermənistan Silahlı Qüvvələrinin bölmələri dekabrın 28-də saat 13.30-dan 14.00-dək Daşkəsən rayonunun adsız yüksəkliklərində yerləşən mövqelərdən, saat 22.30-dan 22.45-dək Füluzuli rayonunun Alxanlı kəndinin yaxınlığında yerləşən mövqelərdən, dekabrın 29-da saat fasilələrlə Ağdam rayonunun Cəvahirli kəndinin yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Bu barədə Azərbaycan Respublikasının Müdafiə Nazirliyinin mətbuat xidmətindən məlumat verilib.
Bütün hallarda cavab atəşilə düşmən susdurulub.
İtki yoxdur.