Azərbaycan, Bakı, 01 fevral / Trend , müxbir R.Hafizoğlu/ "Həmas" Misir-Qəzzə sərhədindəki Rəfah buraxılş məntəqəsini, İsraillə əməkdəşlıq etməmək şərtilə, Mahmud Abbas administrasiyasına təhvil verməyə hazır olduğunu, "Fəth" isə, bu tələbin əsassız olduğunu bildirir.
"Rəfah buxaılış məntəqəsi Abbas adminstrasiyasına,İsrail ilə əməkdaşlıq etməyəcəkləri təqdirdə, təhvil verilə bilər" - deyə "Həmas" rəsmisi Muşir əl-Masri Trend ə bildirib.
"Əl-Cəzirə" telekanalının cümə günü verdiyi məlumata görə, "Həmas" İslami müqavimət hərəkatı rəhbərlərindən olan Mahmud Zahhar, Qəzzə-Misir sərhədində nəzarəti, İsrail və Avropa ölkələri ilə əməkdaşlıq etməyəcəkləri təqdirdə, Fələstin adminstrasiyasına təhvil verməyə hazır olduğunu bildirib. Abbas isə, "Həmas" dan Rəfah məntəqəsini qeyd - şətrsiz Fələstin adminstrasiyasına təhvil verilməsini tələb edib. Ekspertlər hesab edirlər ki, "Həmas"ın Fələstin administrasiyasını İsraillə əməkdaşlıqda ittiham etməsi tərəflər arasında dialoqun çətinləşməsi ilə nəticələ bilər.
Abbasın Rəfah buraxılış məntəqəsini qeyd - şətrsiz Fələstin adminstrasiyasına təhvil verilməsini, İsrailin diktəsi ilə tələb edir - deyə, cümə günü "Həmas"ın mətbuat katibi Əl-Masri, telefonla Qəzzədən Trend ə bildirib.
"Rəfah buraxılış məntəqəsi qəzzəlilərin yegənə ümid yeridir və Abbasın bu tələbi qeyd- şərtsiz deyil, müəyyən şərtlər əasasındə yerinə yetiriləcək. Bu tələbi həyata keçirmək üçün, ilk növbədə, Abbas və Fələstin administrasiyası İsraillə əməkdaşlıqdan imtina etməlidirlər"- deyə, o qeyd edib.
"Fəth"in mətbuat katibi Fəhmi əl-Zəarir isə, "Həmas" rəsmisinin ittihamlarını əsassız hesab edir.
"Fələstin administrasiyası və Abbas heç vaxt Fələstin xalqının maraqlarına zidd hərəkət etməyib. Abbasın İsraillə dialoqa getməsi Fələstin xalqının maraqları və rifahı üçündür"- deyə,cümə günü Ramallahdan Zəarir telefonla Trend ə bildirib.
Onun fikrincə, İsrail,Rəfah buraxılış məntəqəsinə nəzarət etmək istəyində deyil. "Sərhəd məntəqəsinin Fələstin administrasiyasına təhvil verilməsi qəzzəlilərin əminliyi üçündür.Bu sərhəd məntəqəsindən "Həmas"a dəstək olmaq üçün müxtəlif silahlı qruplaşmalar qeyri - qanuni yolla Qəzzə ərasizinə keçirlər"-deyə "Fəth" rəsmisi qeyd edib.
O, Rəfah buraxılış məntəqəsindən "Həmas"a dəstək üçun külli miqdarda silah keçirilməsini də istisna etmir.
