Azərbaycan, Bakı, 06 mart / Trend /Prezident İlham Əliyev cümə axşamı Naftalan şəhərinin sosial-iqtisadi inkişafı istiqamətində tədbirlərin həyata keçirilməsi, o cümlədən, abadlıq-quruculuq işlərinin sürətləndirilməsi məqsədi ilə Prezidentin Ehtiyat Fondundan Naftalan Şəhər İcra Hakimiyyətinə 1,0 milyon (bir milyon) manat məbləğində vəsait ayrılması haqqında sərəncam imzalayıb. Naftalan şəhərinin sanatoriya-kurort kompleksinin inkişafı ilə bağlı təkliflər hazırlayıb Prezidentə təqdim etmək və sərəncamdan irəli gələn digər məsələlərin həll edilməsi Nazirlər Kabinetinə həvalə olunub.
...