Azərbaycan, Bakı, 01 aprel / Trend , müxbir Q.Cəbiyev/ Çində Heydər Əliyevin anadan olmasının 85 illik yubileyi ilə bağlı poçt markası buraxılıb. Bu barədə çərşənbə axşamı Trend -a hakim Yeni Azərbaycan Partiyasının (YAP) mətbuat xidmətindən məlumat verilib.
Heydər Əliyevin anadan olmasının 85 illik yubileyi Azərbaycanda dövlət səviyyəsində qeyd ediləcək. Ötən ay prezident İlham Əliyev bu məqsədlə sərəncam imzalayıb.
Heydər Əliyevin anadan olmasının 85 illiyi münasibətilə Çində də geniş tədbirlərin həyata keçirilməsi nəzərdə tutulub. Həmin tədbirlərin tərkib hissəsi kimi, bu günlərdə Azərbaycanın Çindəki səfirliyinin təşəbbüsü ilə Heydər Əliyevin Bakının geniş panoramı və Azərbaycanın dövlət bayrağı fonunda heykəli əks olunmuş nəfis tərtibatlı poçt markası buraxılıb.
Azərbaycan prezidenti İlham Əliyev mayın 10-da ümummilli lider Heydər Əliyevin anadan olmasının 85 illik yubileyi ilə bağlı tədbirlərin keçirilməsinə dair sərəncam imzalayıb.
Məqalə müəllifi ilə əlaqə ünvanı: [email protected]
