Azərbaycan, Bakı, 11 may/ Trend , müxbir İ.Əlizadə/ Azərbaycanda ilk parlamentin yaradılmasının 90 illiyi ilə bağlı Milli Məclis və dövlət orqanları arasında keçirilən futbol turnirinə bazar günü start verilib. Trend -un məlumatına görə turnirin açılış oyununda A qrupunda mübarizə aparan parlament və İqtisadi İnkişaf nazirliyinin komandaları qarşılaşıb. Parlamentin komandası rəqibi darma-dağın edib - 5-1.
Azərbaycanda ilk parlament 1918-ci ildə yaradılıb. Parlamentin yaradılması 1918-1920-ci illərdə mövcud olan ilk müstəqil respublika - Azərbaycan Demokratik Respublikasının dövründə baş verib.
Bakı Dövlət Universitetinin futbol meydançasında baş tutan açılışda Milli Məclisin sədri Oqtay Əsədov, Azərbaycan Respublikası Dövlət Neft Şirkətinin və AFFA-nın prezidenti Rövnəq Abdullayev, Bakı Dövlət Universitetinin rektoru, deputat Abel Məhərrəmov, Milli Məclis Aparatının rəhbəri Səfa Mirzəyev iştirak edib.
Yarışın qalibi "Parlament kuboku", qızıl medallar və diplomlarla, ikinci yeri tutmuş komanda gümüş medallar və diplom, üçüncü və dordüncü yeri tutmuş komanda isə bürünc medallar və diplomlarla mükafatlandırılacaq. Turnirin ən yaxşı qapıçı, müdafiəçi, yarım müdafiəçi və ən sərrast futbolçusu turnirin təşkilat komitəsi tərəfindən final oyunundan qabaq seçilir və final oyununun sonunda mükafatlandırılır.
Mayın 12-də A qrupunun daha iki komandası Ədliyyə və Daxili İşlər nazirlikləri qarşılaşacaq.
Turnirin final oyunu iyunun 11-də keçiriləcək.
A qrupu
Milli Məclis
Ədliyyə nazirliyi
İqtisadi İnkişaf nazirliyi
Daxili İşlər nazirliyi
B qrupu
Prezidentin İcra Apparatı
Ekologiya və Təbii Sərvətlər nazirliyi
Maliyyə nazirliyi
Nəqliyyat nazirliyi
C qrupu
Təhsil nazirliyi
Vergilər nazirliyi
Əmək və Əhalinin Sosial Müdafiəsi nazirliyi
D qrupu
Mədəniyyə və Turizim nazirliyi
Fövqadədə Hallar nazirliyi
Kənd Təsərrüfatı nazirliyi
Rabitə və İnformasiya Texnologiyaları nazirliyi
Məqalə müəllifi ilə əlaqə ünvanı: [email protected]