Azərbaycan, Bakı, 30 may / Trend , müxbir E.Babayev/ Azərbaycanın Mərkəzi Seçki Komissiyası bəyan edib ki, ABŞ Dövlət Departamentinin hesabatında Azərbaycandakı seçkiqabağı vəziyyətlə bağlı yer alan məqamlar qeyri-obyektivdir. "Mən hesab edirəm ki, Azərbaycanda seçkilərin keçirilməsi üçün çox gözəl şərait yaradılıb" - deyə MSK sədri Məzahir Pənahov cümə günü jurnalistlərə bildirib.
ABŞ Dövlət Departamenti çərşənbə günü Azərbaycanda insan haqları üzrə hesabat dərc edib. Sənəddə bildirilir ki, 2007-ci ildə Azərbaycanda insan haqları sahəsində vəziyyət pisləşib və demokratik seçkilərin keçirilməsi üçün islahatların vacibliyi qeyd olunub.
Azərbaycanda prezident seçkiləri oktyabrın 15-də keçiriləcək.
Pənahov vurğulayıb ki, Azərbaycanda seçkiqabağı vəziyyətin necə olduğunu vətəndaşlar hamıdan yaxşı bilir. "Azərbaycan vətəndaşları da bildirlər ki, ölkədə seçkiqabağı vəziyyət demokratikdir", Pənahov vurğulayıb.
Məqalə müəllifi ilə əlaqə saxlamaq üçün ünvan - trend