Azərbaycan, Bakı, 17 iyun/ Trend / Azərbaycan prezidenti İlham Əliyev çərşənbə axşamı İran İslam Respublikasının energetika naziri Seyid Pərviz Fəttahın başçılıq etdiyi nümayəndə heyətini qəbul edib.
Prezident İlham Əliyev Azərbaycanla İran arasında iqtisadi sahədə, o cümlədən energetika sahəsində əlaqələrin uğurla inkişaf etdiyini bildirib.
Seyid Pərviz Fəttah ölkələrimizin energetika sahəsində əməkdaşlığının daha da inkişaf etdirilməsi istiqamətində aparılan müzakirələrə toxunaraq bu baxımdan Azərbaycana səfərinin əhəmiyyətini qeyd edib.