Azərbaycan, Bakı, 25 iyun/ Trend , müxbir E.Babayev/ Azərbaycanın müxalif Demokratik İslahatlar Partiyasının (DİP) bu gün keçirilən iclasında təşkilatın növbəti qurultayının vaxtı müəyyənləşib. "DİP-in ikinci qurultayı iyulun 19 - da keçiriləcək",- deyə çərşənbə günü Trend -a iclasdan sonra partiyanın sədri Asim Mollazadə bildirib.
Mollazadə qeyd edib ki, qurultayda təşkilati məsələlərə baxılacaq və sədr seçkisi, Nəzarət-Təftiş Komissiyasının yenidən formalaşması həyata keçiriləcək. Qurultayda bu il oktyabrın 15-də Azərbaycanda keçiriləcək prezident seçkisi ilə bağlı qərar veriləcək. "Seçkidə hansı formada iştirak məsələsi də məhz qurultayda müəyyənləşəcək" - deyə o əlavə edib.
Demokratik İslahatlar Partiyası (DİP) 2005-ci ildə təsis olunub. Məramnaməsini və fəaliyyət istiqamətlərini liberal dəyərlərin həyata keçirilməsi təşkil edir. Partiyanın sədri millət vəkili Asim Mollazadədir.
Məqalə müəllifi ilə əlaqə ünvanı: [email protected]
