Azərbaycan, Bakı, 03 iyul / Trend , müxbir A.Əliyev/ Azərbaycan prezidenti İlham Əliyev əmindir ki, Rusiya prezidenti Dmitri Medvedyevin Bakıya rəsmi səfəri ikitərəfli münasibətlər üçün uğurlu olacaq. "Əminəm ki, səfər uğurlu olacaq və qarşılıqlı əlaqələrimizin inkişafına xidmət edəcək", - deyə cümə axşamı iqamətgahında rusiyalı həmkarını qəbul edən İlham Əliyev bildirib.
Dövlət başçısı vəzifəyə keçdikən sonra bu qədər tez bir zamanda Azərbaycana səfər etdiyinə görə Rusiya prezidentinə minnətdarlığını bildirib və bunu "əməkdaşlığın yaxşı əlaməti" adlandırıb.
"Bu gün bizim geniş gündəliyimiz var. Əminəm ki, səfər nəticə etibarı ilə səmərəli və uğurlu olacaq", - deyə Azərbaycan prezidenti bildirib.
Medvedyev Azərbaycanda apardığı danışıqların uğurlu olacağına və iki ölkə xalqları arasında münasibətlərin inkişafına xidmət edəcəyinə əmin olduğunu bildirib. "Mən sizə qonaq gəlməyimə şadam, bundan əlavə, biz Sank-Peterburqda da görüşmüşdük. Yaxşı ki, bizim görüşümüz sonuncudan qısa müddət sonra baş tutub", - deyə o vurğulayıb. Medvedyev "xalqlarımızın maraqlarına və münasibətlərimizin mahiyyətinə" cavab verəcək danışıqların konstruktivliyinə əmin olduğunu bildirib.
Medvedyev iyulun 3-də Bakıya ikigünlük səfərə gəlib.
